Imannak ikiuisarpugut!
Tekniskimik sanatitsisunut siunnersuineq anguniakkavit angunissaanik qulakkiisoq
Sanatitsisumut siunnersuisutut sanatitsisoq qanimut suleqatigilluartarparput. Sanaartornermi tekniskiusumik siunnersuisuuvugut, siunnersuinitsinni illit illuliamut sananeqartumut suleqatigisannullu eqqortunik piumasaqarsinnaaniassagavit kiisalu suleqatigisannut. Saninni piareersimasuuvugut aaliangigassarisatillu eqqortumik aaliangiiffiginissaanut ikiuinissatsinnut siunnersuinissatsinnullu piareersimalluta.
”Sanatitsisoq siunnersiusut peqatigalugit pisiortorfinnut sanaartugassanillu suliassinneqartunut isumaqatigiissutip suut killissarititarissanerai suullu piumasaqaatigineqaataassasut aaliangiissaaq”
Isumalluutigisatit illup iluata silaannaanut, atortussanik aaliangiinissamut sanaartornermiluunniit inernerit naammassiuminaattuuppata, pikkorissunik pisinnaalluartunillu sulisunik isumaginnittoqassaagut sulisullu pikkoriffigisaat naapertorlugit suliakkiilluta. Toqqaviup inissilluarnissaa attartuujunissaalu qulakkiissavarput. Illup ilua silaannarittuunissaa qulakkiissavarput, illuliaq anersaartorsinnaaniassammat avatangiisinillu sunnerneqarnerit millisinneqarniassammat. Atortussanik tulluarluartunik toqqaanissat qulakkiissavarput.
Sanaartornerit marlunnik assigiittoqannginnera nalunngilluinnarparput. Taamaammat projektit tamarmik immikkuullarittuupput, taannalu tunngavigalugu pikkorissumik maannalu atuuttumik siunnersorneqarluassaatit. Torp Development-ip inissisimaffik anguniakkamut kissaatigisamut nalilersortuaannarpaa. Tassanngaanniit pisinnaasagut misilittakkagullu atuutsilertarpagut siunnersorneqarluarneq iluaqutigalugu anguniakkatit anguniassagakkit piviusunngortillugillu.
Illunik aningaasaliineq kissaatigisanik iluanaarutilik
Illuni aningaasaliinermi paasisimasaqassuseqarnissaq paasisimasaqarluarnissarlu pingaaruteqarpoq. Illummi igalaaginnaanngillat beton-iinnaanatillu. Suliffeqarfinnut inunnullu angerlarsimaffiuppummi. Ajoquteqarnani pisussamisut ittussaq, peqqissaartumik suliaq. Illu ullumikkuinnaanngitsoq, aqaguinnaanngitsoq pisussamisut ittussaq, kisiannili illup inuuffissaa tamaat. Aningaasaliisutut illunik pisineq tuniniaanerlu piffinni eqqortuni pinissaa pingaaruteqarpoq iluanaarutit annertunerpaat kissaatigisallu angujumallugit. Apeqqutit eqqortut apeqqutiginissaat isumagissavarput. Toqqagassat allat nalilersornissai qulakkeerlugu, periarfissaasinnaasut arajutsinnginniassagakkit.
Siunnersuissaagut illullu aningaasaliiffiusussap killissarititavit iluaniinnissaa qulakkeerlugu. Illumi periarfissat takusarpagut anguniakkannut pilersaarutinnullu tulluartuunersut naleqqiuttarlugu.
Aningaasaliinermi ajutoorfiusinnaasut arlalissuupput eqqarsaatigisassat amerlaqaat. Illup qanoq utoqqaatiginera tunngavigalugu qaammammut akiliutaasartut, inissisimaffik, pitsaassuseq, aserfatsaaliuineq, akileraarutini eqqumaffigisassat aningaasaliinissarlu eqqumaffigisarpagut. Misilittagaqarluarpugut aningaasaativillu eqqortumik atornissaannik siunnersuinissamut pisinnaasaqarluarluta. Aningaasaliinissavit ilinnut tulluartuunissaa iluanaarutinullu piumasaqaatinnut tulluartuunissaa qulakkiissavarput.
Illoqarfimmi ineriartortitsineq periarfissanik nutaanik ammaassisoq
Illoqarfiit tamarmik immikkut ittuupput assigiinngitsunillu killigisanik piumasaqaateqarlutik. Illoqarfimmik ineriartortitsineq illoqarfiup nukittuffiinik atorluaanissamik killigisanillu naapitsinissamik tunngavoq. Ineriartortitsineq periarfissanik nutaanik ammaasisuussaaq. Nuummi namminersortut peqatigalugit tamakkiisumik eqqarsarneq aammalu paasiniaaqqissaarneq atorlugu nutaamik pilersitsinermik ikiuivugut. Nuup ilaani periarfissat atorluarnissaanik qulakkeerinninnerusoq. Nutaanik pilersitsinissamut tunngavimmik pilersitsivugut, pilerinassuseq kajangernassuserlu aamma annertusarlugu. Paasiniaaqqissaarnernik pilersitsivugut, aaliangigassat eqqortumik aaliangerneqarnissai anguniarlugu ungasissumilu anguniakkat angunissaanissaat tunngavigalugu.
Illoqarfiit ilarisaasa periarfissai atorluarpagut pilersuineq, angalaneq, sanaat, klima, ilinniartitsineq allallu Nuup pitsaassusaanik qaffaasunik ineriartortitsiumalluta taamaasillutalu Nuup tikikkumaneqarnissaa annertusarlugu tikeraarfittut najugaqarfissatut suliffissatulluunniit.
Nunaqarfinniit illoqarfinnut annertunernut nussornerup illoqarfiit pilerinartuunissaannik pilersitsivoq, ataatsikkullu nunaqarfiit pigiinnarnissaat siunertaralugu iliuuseqaqatiginissaanik pitsaasumik peqarnissamik. Eqqarsarluarnissaq pisariaqarpoq mianersortumillu ingerlasoqassaaq pisortanut niuerpalaartullunullu qajassuussisumik. Siunnersuisarpugut piffissallu assigiinngitsuni tamani Kalaallit Nunatta sineriaani tamani ineriartortitsinermi peqataasarluta, llloqarfiup ilaani sanaartugassanik pilersaarusiornermi, aggukkani sanaartornermiluunniit pitsanngorsaanerniluunniit ikiuisarluta.
Illoqarfimmi ineriartortitsinermi periarfissani killigisanilu tamakkiisumik isiginninnissinnaanermik pisariaqartitsivoq. Ineriartortitsinermi illoqarfiup ilaani sanaartugassanik pilersaarusianut avatangiisinullu missingersuinernut eqqumaffiginninnissaq qulakkiissavarput. Piukkunnaarteqartumik tamakkiisumillu siunnersuinermik Torp Development ineriartortitsinerup periarfissanik ammaassinissaa qulakkeerpaa.
Inissiani allaffissorneq aningaasaliinerisannik qulakkiisoq
Inissiani aningaasaliisartutut misilittagaqarluaraluaraanniluunniit inissiani allaffissornermi suliassarpassuaqartarpoq unamminartoqarluartarlunilu. Tassani peqatigisaq pikkoriffeqarluartoq nussornerni, naatsorsuutini, akiliisitsiniutini, najugaqartunit saaffiginnissutini allarpassuarnilu allaffissornermi suliassani akisussaassuseqarluarluni tigusisinnaavoq. Inissianimi allaffissorneq allaffissornerinnaanngilaq. Angerlarsimaffiuvormi, suliffeqarfik kiisalu aningaasaliiffigisat. Taamaammat attartuisut piginnittullu tamarmik toqqissisimassapput naammagisimaarlutillu.
Torp Developmentip ilinnut suliassaq suliariuminartunngortissavaa. Suliassammi tamakkerlugit tigusinnaavagut – illilluunniit aaliangikkatit kisiisa. Ingerlatsinermi pitsanngorsaajuaannarpugut aningaasaliinerlu ingerlaartumik aallullugu.
Aningaasaliininni iluanaarutissatit sunnerneqassapput akiligassat akilerneqarsimanngitsut, attartuineq inissiamilu suleriuseq eqqumaffiginngikkukkit.
Inissiani attartugassani, inissiani aningasaliiffinni suliffeqarfiillu inissiarisaanni inissiani allaffissornermik sullissivugut. Misilittakkatit tunuliaqutigalugit sullissilluarnikkut aarlerinartut millisassavagut aningaasaliissutitillu nukittorsarlugit.
IKT-mik aqutsinerup paasissutissat atoriaannaanissaat nutaanillu ilaartorneqarnissaat qulakkiissavaa
Sanaartornermik aqutsineq digitaliseerigaavoq. Suliani aaliangersimasuni piumasaqaataasarpoq projekt-it tunngavigalugit atortoqarnissaq, suliakkiussallu digitaliusumik ingerlanneqassasut. Digitalimik ingerlatsinerup ilusilersorluakkamik sulineq qulakkeerpaa, paasissutissat allagartallu 100%-imik nutaanik ilaartorneqarnikunik atoriaannarnik iluaqutiisunik sulinissamut atortuliimmat. Ilusilersukkat atugassat eqqortumik inissisimanerat digitalimillu atortussat pisussamisut atorneqarnissaat qulakkiissavarput.
IKT “informations og kommunikationsteknologi”-mit naalisagaavoq atuisullu sanaartornermi suliani aaqqissuisinnaaneq, nussuisinnaaneq aammalu toqqorsisinnaanermik periarfissiisoq. Nalunngilarput IKT inatsiniit, piumasaqaatiniit, isumaqatigiissutiniit, immikkoortitaakkanik nalunaarsuiffinniit aammalu aalianngikkanik akilersuutiniit annertunerusoq. Sanaartornermi IKT-mik akisussaasutut attaveqaqatigiittoqarnissaa aammalu suleqatigiilluartoqarnissaa akisussaaffigaarput. Atortorussaarutit atorluarneqarnissaat pilersitseqataanissaallu taamaasillunilu sanaartornermi naammassisaqarluarnissaq suliniutigaarput. Peqataasut tamarmik akisussaaffimmik tigusinissaat qulakkiissavarput paasissutissallu atorfissaqartitat pissarsiarinissai suliarisarlugit aamma.
Sanatitsisorlu isumaqatigiissut IKT-mi isumaqatigiissummi inissinneqassaaq, isumaqatigiissummi tassanittaaq allagartat tamarmik qanorlu suleqataasunit tamanit isumaqatigiissutit naapinneqarnissai suliarineqarnissaalu aamma nassaassaassallutik. Sanatitsisumut IKT-mik akisussaasutut sanatitsisup pilersaarusiorneq, suliarinninneq, sulinermi paasissutissat nutartersimasut atoriaannaallu suliallu naammassinissaa qulakkiissavarput.
Imannak sulisarpugut
Sanatitsisumut siunnersuisutut nutarterininni sanaartorninnilu ikiuisuuvugut. Atorfissaqartitatit aallartisarnermiit suliap naammassinissaata tungaanut isumagissavagut. Sanaartornermi suliassap eqqarsaatigilluarsimanissaa isumagissavarput taamaasillutit kukkusunik aaliangiinnginniassagavit sanaartornermiluunniit aaqqissuisariaqalernissat pinaveersaarlugu.
Torp Development anginngitsuuvoq siunnersuisutut pisinnaasaqarluartoq Kalaallit Nunaannit Danmarkimiillu nakerisarsiunngitsumik sanatitsisumut siunnersuisoq. Suliamut pikkorissuserput atortarparput pisariaqartiffimmilu avataaniit suleqateqartarluta.
Nakerisarsiunngitsumik sanatitsisumut siunnersuisutut isumaqatigiissut malillugu sanaartornerit naammassinissaa toraagaarput. Piffissami eqqortumi, pitsaassuseq eqqortoq suliamullu sulineq tulluartoq atorlugit. Isumaqatigiissutip iluani unammilliilluarsinnaavuguttaaq.
Torp Development-imi pikkoriffigut misilittakkagullu sanaartornermi periutsit pitsanngorsarnissaanut atorpagut. Lean tunngavigalugu sulisuuvugut suliap naammassisap pitsaassusaa peqqutigalugu. Tassa imaappoq sanaartornermi suliap isumaqatigiissummi naammassiffissaa, akissaa pitsaassusaalu qulakkeerneqarnissaat isumagissavarput.
Satatitsisoq qanoq ikiorparput?
Nutarterinermi sanaartornermilu assigiinngitsorpassuartigut pikkoriffigut atorluarneqarsinnaapput. Attaveqaqqaarnermiit sanaartornerup naammassinerata tungaanut eqqarsaatigisassarpassuaqarpoq sulinermilu ilanngussugassaqarluni, uagullu tapersersortigaluta suliassaq kissaatigisaq anguneqassaaq.
Sanatitsisumut siunnersuisutut akisussaaffigut assigiingitsorpassuusinnaapput. Atorfissaqartitatit, suliffissaq suliassarlu apeqqutaallutik suliassap aallartisarnerani, pilersaarusiornermi, sanaartornermi naammassinninnermiluunniit peqataassaagut.
Suliassap aallartisarnerani siunnersuineq | |
Isumassarsiap saqqummiunnera Isumassarsiap saqqummiunnera sanaartornermi suliarerusutanni eqqarsaatinnik, isumassarsiannik atorfissaqartitannillu sanaartornermi siunnersuisutut suliatsinni siullerpaajuvoq. Peqatigiilluta isumassarsiap periarfissai akusiussavagut uagullu sanaartornermi suliarinnikkumanerup periarfissaanik naliliinerput saqqummiutissavarput. Taamaasiorniarluta illuliorfissaq, sanaartorfissap nunataa, lokalplani allarpassuillu akusiussavagut. | |
| Ilusilersuineq Ilusilersuinermi sanaartornermi suliarerusutavit qanoq piviusunngortinnissaa misissussavarput. Pileriartorneruvoq takussaasoq suliariumasaq ilusinikkiartussaaq qarasaasiatsinnilu takussaasunngussalluni aaliangiinissamut tunngavissatut. Ilusilersukkap suliassaput avatangiisissaminut tulluarsarsimanissaa qulakkiissavarput sapinngisamillu eqqarsaatigilluarsimanissaa aamma. |
| Sanaartornermi programmi Sanaartornermi programma tassaavoq atortoq piumasaqaatinik kissaatigisanillu ataqatigiissaarisoq, taakkualu atorfissaqartitatut allaatigineqassapput aningaasaqarneq piffissarlu allaatigisami ilanngunneqassapput. Sanaartornermi takorluukkat pitsaassusermut piujuartitsinermullu naleqqiunneqassapput. Naggataatigullu piumasaqaatit kissaatillu, soorlu assersuutigalugu iserfissanut, biilinut inissiffissat, innaallagissamik pilersuinissaq, illup iluani silaannaq allarpassuillu suliarineqassapput. |
Pilersaarusiorneq | |
Siunnersuisunik toqqaaneq Sanaartornermi programma tunngavigalugu siunnersuisunik tulluartunik toqqaanissaq periarfissaavoq, soorlu assersuutigalugu illussanik titartaasartut ingeniørillu ilusilersuinermi peqataasussat. Suna tunngavigalugu toqqaanissaq eqqarsaataareerpoq, assersuutigalugu suliariumasaq suliakkiussaappat suliariumannilluniluunniit toqqagassanngorluni sassarneruppat, suliariumannikkumasutut saqqummernermi toqqagaasinnaanissaappat il.il. Uagut siunnersorneqarluarnissat suliassaraarput, taamaasillutit toqqissisimasumik tunngavilersorluakkamillu siunnersuisunik suliassamut tulluarluartunik toqqaasinnaalerlutit. | |
Pilersaarusiorneq Siunnersuisunit toqqakkanit atortussanik toqqakkat tunngavigalugit pilersaarusiorneq aallartissaaq. Pilersaarusiornermi isumannaassuseq pilersaarusiorneqassaaq aaqqissuussimanerlu eqqortoq pilersaarusiorneqassalluni. Isumaqatigiissusiornerit atorfissaqartitat suliarineqassapput sillimmasiinerillu isumagineqassallutik. | |
Entreprenørinik toqqaaneq Entreprenærinik toqqaasarneq naliginnaasumik piukkunnartussarsiuussinermik aallartittarpoq, tassanngaanniillu suliakkiussineq, naliliineq, isumaqatigiinniarnermi akisussaassanik toqqaaneq naggataatigullu isumaqatigiissusiornermik naammassineqartarluni. | |
Suliarinninneq sanaartornerlu | |
Suliarinninneq Sanaartornermi siunnersorti suliarinninnermi nakkutiginnittuussaaq isumaqatigiissutit pilersaarusiallu malillugit sanaartornerup ingerlaneranik qulakkeerinnittuussalluni. Nakkutilliisoqarneq, projektip aqunnerarnera siunnersuisut entreprenørillu peqatigalugit isumaqatigiissutit malillugit sanaartornermik aamma aqutsissaagut. Suleqatigisat akornanni attaveqaqatigiinneq isumagissavarput suliffimmi isumannaallisaanikkut pissutsit isumannaallisaanerlu malinneqarniassammata. | |
Projektimik malittareqqiineq, sulinermi aqutsineq & ataqatigiissaarisumik nakkutiginninneq Sanaartorfik angusaqarluarfiusoq pilersaarusiorluarsimanermik pisariaqarpoq, piffissat isumaqatigiiffiusut naapillugit naammassissinnaasoqarniassammat. Suleqatigiippassuit akornanni pilersaarutit malilluarnissaat pingaaruteqarpoq, kinguaattoornerillu takkussinnaasut sukkasuumik naammassineqartassapput allanullu nalunaarutigineqarlutik. Projektimik malittareqqiineq sulinermillu aqutsinerup pilersaarutit suliniutillu naammassinissaannik tapersiisuupput. Atagatigiissaarisumik nakkutiginninnermi suliarinninnermi nakkutiginninneq pissaaq, suliap isumaqatigiissutillu malinneqarneri qulakkeerumallugit. Torp Development digitaliusumik atortunik ataqatigiissaarinermi nakkutiginninnermilu atuisuuvoq | |
Mianersornartunik aqutsineq Sananermi – minnerni annernilu – mianersornartunik arlalinnik peqarpoq, taakkualu ingerlaartumik nalilersorneqartassapput. Aningaasaqarnikkut sanaartornermilu mianersornartoqartarpoq, kisiannili aamma inatsiseqarnikkut, assersuutigalugu suliffimmi isumannaallisaanikkut pissutsini. Mianersornartut nakkutigineqarnissai aqunneqarnissaalu isumagissavagut. | |
Aningaasanik nakkutiginninneq Sanaartornerup nalaani akiligassat uagutsinnit akuerineqarlutillu aqunneqassapput. Nakkutiginnillutalu pilersaarusiaq malillugu aningaasat atorneqarnissai qulakkiissavarput. Pilersaarusianit allanngortoqassagaluarpat nalunaarsussagavagut ataatsimiinnerni akuerineqarsinnaanngorlugit piareerlugit. | |
Attavigitigut
Soqutiginnippit apeqqqutissaqarpilluunniit? Taava saaffiginissatsinnut tikilluaqqusaavutit. Tusarfiginissat qilanaaraarput.